گلزار کا عالم کیا ہو گا

سرکار دو عالم صلی اللہ علیہ وسلم کے رخ پر انوار کا عالم کیا ہو گا
جب زلف کا ذکر ہے قرآن میں رخسار کا عالم کیا ہو گا

معراج کی شب جب اللہ نے محبوب کو اپنے بلوایا

سوچو تو سہی ان دونوں میں گفتار کا عالم کیا ہو گا

ابوبکر رضی اللہ عنہ و عمر رضی اللہ عنہ عثمان رضی اللہ عنہ و علی رضی اللہ عنہ اور سارے صحابہ رضی اللہ عنہ دو زانوں‏‎

جب بیٹھے ہون گے مجلس میں دربار کا عالم کیا ہو گا

‍‌کھائی ہےقسم خود اللہ نے اصحاب رضی اللہ عنہ کے دوڑتے گھوڑوں کی

اصحاب رضی اللہ عنہ کا جب یہ عالم ہے سرکار کا عالم کیا ہو گا

اللہ ہو غنی سبحان اللہ کیا خوب ہے نقشہ روزے کا

محراب حرم کی جالی میں مینار کا عالم کیا ہو گا

کہتے ہیں عرب کے صحرا پہ انوار کی بارش ہوتی ہے

اے ظفر نہ جانے طیبہ کے گلزار کا عالم کیا ہو گا

حقیقت ہے بجز تیرے نہ کوی یار

حقیقت ہے بجز تیرے نہ کوی یار یا اللہ
تیرے قبضہ میں بندوں کا ہر کار یا اللہ
تو ہی اکبر تو ہی سرور تو ہی مالک محشر
تو ہی حافظ تو ہی ناصر تو ہی غفار یا اللہ
کریم و خالق و دائم مجیب مالک و قائم
تو ہی رازق و راحم تو ہی ستّار یا اللہ
زمین و آسمان بحر و طوفان ہیں سب ہی تیرے
تیرے ہی امر سے ہوتی ے ناؤ پار یا اللہ
جھکا غیروں کی درگاہوں پر لیکن یاس ہی پای
نہ کوئ بندہ پرور ہے نہ ہے غم خوار ہے یا اللہ
صنم مجبور ہی پاے مزاریں بند ہی دیکھیں
کھلا پایا تو مضطر نے تیرا دربار یا اللہ
بٹھا دے میرے دل میں یوں تصور ذات اپنی کا
نکلنےہی نہ پاے کبھی جمال یا اللہ
ہدایت تو نے ہی بخشی ہدایت پر ہی قائم رکھ
رہے بندہ یہ کفر و شرک سے بے زار یا اللہ